فڕۆکەخانەی دوبەی بۆ گەشتیاران: مەیەنە فڕۆکەخانە

ئاڤا نیوز

 

بەهۆی ناجێگیری کەشوهەوا و دروستبوونی لافاو لە دوبەی، گەشتەکانی فڕۆکەخانەی شارەکە تاوەکو 18ـی نیسان ڕاگیران.

 

چیرۆکی سەرەکی: دوێنێ سێشەممە لە ماوەی تەنیا 12 کاتژمێردا نزیکەی 100 ملیمەتر باران لە دوبەی باریوە، کە ئەم ڕێژەیە نزیکە لەوەی لە ساڵێکدا تۆمار کراوە؛ بەمەش لافاو کووچە و کۆڵانەکانی ئەو شارەی گرتەوە.

 

ئەمەش بزانە: بەهۆی لافاوەوە، فڕۆکەخانەی نێودەوڵەتیی دوبەی گەشتەکانی وەستاند، چونکە ئاو ڕێگەی لە فڕینی فڕۆکەکان گرت.

 

ڕاگەیێنراوی فەرمی: بەڕێوەبەرایەتی فڕۆکەخانەی دوبەی ڕایگەیاند: "بەهۆی ناجێگیری کەشوهەوای نێو شار، داوا لە گەشتیاران دەکەین نەیەنە فڕۆکەخانە".

 

ئەوەی ئێستا ڕوودەدات: بەڕێوەبەرایەتی فڕۆکەخانەی دوبەی دووپاتی کردەوە، دواکەوتن لە خشتەی گەشتەکان و لایەنگری لە ڕێڕەوی ژمارەیەک گەشتی دیکەدا بە شێوەیەکی بەردەوام هەیە، کاریش بۆ چارەسەرکردنیان دەکات.