هێرشێکی مووشەکی ڕووسیا بۆ سەر ئۆکراینا 17 کوژراوی لێکەوتەوە

ئاڤا نیوز

بەهۆی هێرشێکی مووشەکی ڕووسیاوە بۆ سەر ئۆکراینا لانیکەم 17 کەس کوژران و 60 کەسی دیکەش بریندار بوون.

وێنە گەورەکە: ڕووسیا سێ مووشەکی ئاراستەی شاری چێرنیگیڤ لە باکووری ئۆکراینا کرد، سیستەمی بەرگریی ئۆکرایناش نەیتوانی مووشەکەکان بخاتە خوارەوە. 

گۆشەیەکی دیکە: ڤۆلۆدیمیر زێلێنسکی، سەرۆکی ئۆکراینا، داوا لە وڵاتانی ڕۆژئاوا دەکات سیستەمی بەرگریی ئاسمانیی وڵاتەکەی بەهێزتر بکەن تا بتوانێت مووشەکە ڕووسییەکان بخاتە خوارەوە، ئەو دەڵێت ئۆکراینا چەکی پێویستی بۆ ڕووبەڕووبوونەوەی ڕووسیا نییە.