هاوپەیمانیی نێودەوڵەتی سیستەمی بەرگریی ئاسمانی لە ڕۆژهەڵاتی سووریا جێگیر دەکات

ئاڤا نیوز

 

ڕۆژی چوارشەممە فڕۆکەیەکی بارهەڵگری سەربازیی هێزەکانی ئەمریکا لە بنکەی سەربازیی کێڵگەی نەوتی عومەر لە دەوروبەری پارێزگای دێرەزوور لە سووریا نیشتووەتەوە.

 

ڕاگەیێنراوی فەرمی: ڕووانگەی سووری بۆ مافەکانی مرۆڤ دەڵێت: "ئەو فڕۆکەیە سیستەمی بەرگریی ئاسمانیی پێشکەوتووی پێبووە، لە هەمانکاتیشدا هێزێکی زۆری هاوپەیمانی و هەسەدە لە دەوروبەری بنکە سەربازییەکە بڵاوەیان پێکرابوو".

 

لەلایەکی دیکەوە: 40 بارهەڵگر کە چەک و کەرەستەی لۆجیستییان هەڵگرتبوو، گەیشتوونەتە دەوروبەری شاری حەسەکەی ڕۆژئاوای کوردستان و 15 لەو بارهەڵگرانە، براونەتە بنکەی تەلبەیدەر.

 

ئەمەش بزانە: ئەو بارهەڵگرانەی هاوپەیمانان لە هەرێمی کوردستان و دەروازەی ئەلوەلیدەوە، ڕۆیشتوون بۆ ئەو بنکەیە.