خوێ دەبێتە هۆی توشبوون بە نەخۆشی گورچیلە

ئاڤا نیوز 

توێژینەوەیەكی پزیشكی دەریخستووە، زیاد بەكارهێنانی خوێ لە كاتی ژەمەكاندا كاریگەری هەیە لەسەر تەندروستی و دەبێتە هۆی نەخۆشی درێژخایەنی گورچیلە.

بڵاوكراوەی فەرمی: سەنتەری توێژینەوەی قەڵەوی لە زانكۆی تولان، توێژینەوەیەکی کردووە و تێیدا هاتووە: زیاد بەكارهێنانی خوێ بۆ خۆراكەكان دەبێتە هۆی زیادبوونی مەترسی تووشبوون بە نەخۆشی درێژخایەنی گورچیلە.

ئەوەی پێویستە بزانیت: ئەم توێژینەوەیە لەسەر 465 هەزار كەس ئەنجامدراوە كە نەخۆشی گورچیلەیان نەبووە كاتێك ناویان تۆماركردووە لە بنكەیەكی زانیاریی تەندروستیدا، ئەو كەسانەی كە ناوبەناو خوێی زیادیان بە كارهێناوە ئەگەری توشبوونیان بە نەخۆشی گورچیلە 4٪ زیاترە، ئەوانەی كە بە بەردەوامی خوێی زیادیان بە كارهێناوە ئەگەری توشبوونیان 11٪ زیاتر بووە.

زانیاریی زیاتر: ئەم خەمڵاندنانەی مەترسییە پەیوەستە بە هۆكارەكانی شێوازی ژیانكردن، بۆ نمونە مەترسییەكەی زیاتر دەبێت ئەگەر سەرەرای بەكارهێنانی برێكی زۆر لە خوێ، جگەرەكێشان، زیادبوونی كێش، خواردنەوەی كحول، كەمی وەرزشكردن، نەخۆشی شەكرە و بەرزبوونەوەی پەستانی خوێنی لەگەڵ بێت.