ئاژانسی نێودەوڵەتیی وزەی ئەتۆمی: وێستگە ئەتۆمییەکانی ئێران سەلامەتن

ئاڤا نیوز

 

دوای دەنگۆی هێرشی ئیسرائیل بۆ سەر ئێران و بۆردوومانکردنی چەند شارێک، ئاژانسی نێودەوڵەتیی وزەی ئەتۆمی ڕایگەیاند، وێستگە ئەتۆمییەکانی ئێران سەلامەتن.

 

وێنە گەورەكە: بەرەبەیانی ئەمڕۆ لە شارەكانی تاران و ئەسفەهان دەنگی چەند تەقینەوەیەک بیستراون و ئەگەری هێرشی تۆڵەی ئیسرائیل هەیە، ئاژانسی وزەی ئەتۆمی داوا لە وڵاتانی جیهان دەكات بنكە ئەتۆمییەكان نەكەنە بەشێك لە ململانێكانی نێوانیان.

 

لێدوانی فەرمی: ئاژانسی نێودەوڵەتیی وزەی ئەتۆمی: "هیچ زیانێك بەر وێستگە ئەتۆمییەكانی ئێران نەگەیشتووە و سەلامەتن".

 

ئەوەی پێویستە بیزانیت: ئێران چەندین بنكەی ئەتۆمی هەیە، دیارترینیان بنكەی ئەتۆمی نەتەنزە كە دەكەوێتە پارێزگای ئەسفەهان؛ بە یەكێك لە بەهێزترین و گەورەترین بنكە ئەتۆمییەكان دادەنرێت.