فەرماندەی هێزی زەمینیی سوپای پاسداران: بەرگری لە گەلەكەمان دەكەین

ئاڤا نیوز

 

فەرماندەی هێزە زەمینییەكانی سوپای پاسداران دەڵێت، لە توانایاندا هەیە بەرگری لە خۆیان بكەن و لە هەر شوێنێكەوە هێرشیان بكرێتە سەر، وەڵامیان دەدەنەوە.

 

وێنە گەوەرەكە: بەرەبەیانی ئەمڕۆ هەینی، دەنگی چەند تەقینەوەیەك لە تاران و ئەسفەهان بیستران؛ هەرچەندە ئه‌نجوومه‌نی باڵای ئاسایشی نیشتمانیی ئێران ڕەتی کردەوە، بەڵام فەرماندەی هێزی زەمینیی سوپای پاسداران دەڵێت، وەڵامی هەر هێرشێک دەدەینەوە کە بکرێتە سەرمان. 

 

لێدوانی فەرمی: كیومەرس حەیدەری، فەرماندەی هێزی زەمینیی سوپای پاسداران: "بەرگری لە خۆمان دەكەین، وەڵامی هەر هێرشێک دەدەینەوە كە بكرێتە سەر وڵاتەكەمان، هێزەكانمان لە ئاسمان، زەوی و دەریا ئامادەن".

 

زانیاریی زیاتر: تاوەکو ئێستا هیچ بەرپرسێكی ئێران بە فەرمی نەیگوتوە وەڵامی هێرشەكەی ئیسرائیل دەدەنەوە، میدیاكانی ئەو وڵاتەش دەڵێن، هیچ هێرشێكی درۆنی و مووشەكی لە ئێران ڕووینەداوە.