ئەردۆغان: سەردانی بەغدا و هەولێر دەکەم

ئاڤا نیوز

 

سەرۆککۆماری تورکیا دووشەممەی داهاتوو دوای 12 ساڵ سەردانی بەغدا دەکات و دواتریش دەچێتە هەولێر.

 

بۆچی گرنگە: دوای 12 ساڵ، یەکەمجارە ئەردۆغان وەک سەرۆککۆماری تورکیا سەردانی عێراق دەکات و پێشبینی دەکرێت قۆناغیکی نوێ لە پەیوەندییەکانی نێوان عێراق - تورکیا دروست بکرێت.

 

چیرۆکی سەرەکی: رەجەب تەیب ئەردۆغان، سەرۆککۆماری تورکیا دوای تەواوبوونی نوێژی هەینی بە ڕۆژنامەنووسانی ڕاگەیاند: "دوای دواخستنی سەردانەکەمان، لە 22ـی نیسان بە یەک ڕۆژ سەردانی هەولێر و بەغدا دەکەین".

 

لێدوانی فەرمی: ڕەجەب تەیب ئەردۆغان، سەرۆککۆماری تورکیا ڕایگەیاند: "سەرەتا دەچینە بەغداد لەگەڵ سەرۆککۆمار و سەرۆکوەزیرانی عێراق کۆدەبینەوە، دواتر دەچینە هەولێر و گفتوگۆ لەسەر کێشەکان دەکەین".

 

ئەوەی پێویستە بیزانیت: لە سەردانەکەی بۆ بەغدا ئەردۆغان باسی پەیوەندییەکانی نێوان عێراق - تورکیا و چەند بابەتێکی گشتی پەیوەست بە هەردوو وڵات دەکات.