ئاڤا زانیاری لەبارەی ئەندامانی شاندی توركیا ئاشكرا دەكات

ئاڤا نیوز 

ڕۆژی دووشەمەی داهاتوو ڕەجەب تەیب ئەردۆغان سەردانی بەغدا و هەولێر دەکات، ئاڤا  ناوی ئەندامانی شاندەکە ئاشکرا دەکات.

زانیاریی بەدەستهاتوو: بەپێی زانیارییەکانی ئاڤا نیوز کە لە سەرچاوەیەکی ئاکپارتی دەستیکەوتوون، شاندی باڵای وەزارەتی دەرەوەی تورکیا و وەزارەتی بازرگانی، وەزارەتی  پیشەسازی و تەکنەلۆژیای و ڕەنگە شاندێکی ئەمنیش لەگەڵ ئەردۆغان بێنە بەغدا و هەولێر.

زانیاریی زیاتر:  هەریەک لە هاکان فیدان، وەزیری دەرەوەی تورکیا، عومەر پۆڵات، وەزیری بازرگانی تورکیا، محەمەد فاتیح کەجر، وەزیری پیشەسازی و تەکنەلۆژیای تورکیا، لە نێو شاندەکەی ئەردۆغان دەبن. 

ئەوەی پێویستە بیزانیت: ئەگەری هەیە یەشار گولەر، وەزیری بەرگری تورکیا ناوی بۆ لیستی شاندەکە زیادبکرێت.

وێنە گەورەکە: ئەردۆغان و شاندەکەی، دوای بەغدا  سەردانی هەولێر دەکەن و پرسە سەرەکییەکانی " بازرگانی و ئابووری و ئەمنی" لەگەڵ بەرپرسانی هەرێمی کوردستان باس دەکرێت.