خامنەیی وەڵامی ئیسرائیل دەداتەوە

ئاڤا نیوز

 

ڕێبەری ئێران بۆ یەکەمجار سەبارەت بە هێرشە مووشەکی و درۆنییەکەی ئێران بۆ سەر ئیسرائیل قسەی کرد و لە بایەخی لێدوانەکانی ئیسرائیلی کەمکردەوە کە گوتبووی، سەدا 99ـی درۆن و مووشەکەکانیان خستووەتە خوارەوە. 

 

لێدوانی فەرمی: عەلی خامنەیی، ڕێبەری کۆماری ئیسلامی ئێران ڕایگەیاند: "بابەتی ژمارەی ئەو مووشەکانەی کە ئاراستە کراون یان ئەو مووشەکانەی کە ئامانجەکەیان پێکەوە، ئەوەی کە لایەنی بەرامبەر جەختی لەسەر کردووەتەوە، بابەتێکی لاوەکییە و بابەتە سەرەکییەکە دەرکەوتنی ئیرادەی گەلی ئێران و هێزە چەکدارەکانە".

 

زانیاریی زیاتر: ڕێبەری ئێران لە قسەکانیدا هیچ ئاماژەیەکی بە هێرشەکەی سەر ئەسفەهان نەدا کە بە ئەگەری زۆر ئیسرائیل لە تۆڵەی هێرشەکەی ئێراندا ئەنجامی دابێت.