بەشار ئەسەد: چەندین جار لەگەڵ ئەمریکا کۆبوونەوەمان کردووە

ئاڤا نیوز

 

بەشار ئەسەد کە لەلایەن ئەمریکاوە سزا دراوە و ئابڵووقەی لەسەرە، ئەوەی ئاشكرا کرد چەندین جار کۆبوونەوەیان لەگەڵ بەرپرسانی واشنتن کردووە.

 

وێنە گەورەکە: ئەمریکا یەکەم وڵات بوو لە دوای ئاڵۆزییەکانی ناوخۆی سووریا، پەیوەندییەکانی لەگەڵ بەشار ئەسەد و حکومەتی ئەو وڵاتە پچڕاند.

 

لێدوانی فەرمی: بەشار ئەسەد، سەرۆکی سووریا لە چاوپێکەوتنێکدا گوتی: "ئەمریکا تاوەکو ئێستا بەشێکی وڵاتەکەمانی داگیر کردووە، ئەوان دەڵێن دان بە حکومەتی سووریادا نانێین، بەڵام چەندین جار کۆبوونەوەمان لەگەڵدا کردوون".

 

زانیاریی زیاتر: لە ساڵی 2020 ئەمریکا یاسایەکی دەرکرد بە ناوی یاسای سیزار، کە ڕێگری دەکات لە هەر کۆمپانیایەکی ئەمریکی لەگەڵ حکومەت و کۆمپانیای سووری مامەڵە بکەن.