ئەردۆغان: لەبارەی هاوکاریکردنی پەکەکە هۆشداریم بە یەکێتی داوە

ئاڤانیوز

 

سەرۆککۆماری تورکیا لە میانی سەردانیکردنی هەولێر و کۆبوونەوەی فراوانی لەگەڵ بەرپرسانی هەرێمی کوردستان کە بەشێک لە بەرپرسانی یەکێتیش ئامادەی کۆبوونەوەکە بوون, لەبارەی هاوکاریکردنی پەکەکە هۆشداری داوەتە سەرکردەکانی ئەو حیزبە. 

لێدوانی فەرمی: ڕەجەب تەیب ئەردۆغان، سەرۆککۆماری تورکیا بۆ ڕۆژنامەنووسانی وڵاتەکەی ڕایگەیاند: چەندین جار هۆشداریمان داوەتە بەرپرسان لە سلێمانی و پێمان گوتوون: دەرفەتی پاوانکاریی پەکەکە لە ناوچەکە مەدەن، چونکە بە تەنیا دەمێننەوە، ئێمە هەمیشە ئاگاداری دۆخی سلێمانین و  دەزانین لەوێ چی دەگوزەرێت.

زانیاریی زیاتر: "با کەس چاوەڕێی هەڵوێستێکی جیاواز نەکات، کاردانەوەی پێویستمان دەبێت و نایەڵین ئەم بابەتە بەمشێوەیە تێپەڕێت. دەکرێت لە زۆر بابەتدا لێبووردەییمان هەبێت، بەڵام کاتێک بابەتەکە دێتە سەر ئاسایشی نیشتمانی، دەرگای لێبووردەییمان دادەخرێت و ئەوەی پێویست بێت دەیکەین. ئەگەر ئامانجیان دووژمنایەتیکردنی ئێمەیە، کاردانەوە و ڕێکارمان  هەیە و لە هەنگاوی تووندتر سڵ ناکەینەوە".

ئەردۆغان وای گوت.