وەزارەتی پەروەردە چەند گۆڕانکارییەک لە ئامادەییە پیشەییەکان دەکات

ئاڤا نیوز

 

وەزارەتی پەروەردە بە قۆناغ کار لەسەر کردنەوەی پەیمانگە پیشەییەکان دەکات و تاوەکو چەند ساڵێکی دیکە هیچ ئامادەییەکی پیشەیی لە هەرێمی کوردستان نامێنێت. 

 

هۆکارە زانراوەکان: بەهۆی کەمبوونەوەی خواستی قوتابییان بۆ درێژەدان بە خوێندن لە ئامادەییە پیشەییەکانی هەرێمی کوردستان، وەزارەتی پەروەردەی هەرێمی کوردستان کار لەسەر کردنەوەی پەیمانگەی پیشەیی دەکات و سیستمی خوێندنیان بە زمانی ئینگلیزی دەبێت. 

لێدوانی فەرمی: ئەحمەد سمایل، بەڕێوەبەری گشتیی ئامادەیی و پیشەییەکان لە وەزارەتی پەروەردە بە ئاڤا نیوزی گوت، "ساڵی یەکەمی پەیمانگەکان وانەی ئینگلیزی دەخوێنرێت، ئەو پەیمانگە پیشەییانەی لە هەولێر هەن، بەشەکانی گەشتوگوزار، ڕێستۆرانت و میوانخانەکان، دیزاینی کۆمپیوتەر و سیانەکردن لەخۆ دەگرێت، پلان هەیە بۆ ساڵی داهاتوو لە سلێمانی و گەرمیانیش بکرێنەوە."

 

زانیاریی تایبەت: لە ساڵی نوێی خوێندن، کاتی دەوامی سەرجەم پەیمانگەکان ڕێکدەخرێت و سیستمی پەنجەمۆر بۆ قوتابییان دادەنرێت.

 

زانیاریی زیاتر: 46 ئامادەیی پیشەیی هەن کەمتر لە 10 هەزار قوتابییان هەیە، بەشەکانی پیشەسازی ئۆتۆمبێل، کشتوکاڵ، کارەبا، بازرگانی و پەرستاری لەخۆدەگرێت.