ڕووسیا هەڕەشەی پچڕاندنی پەیوەندییەكانی لەگەڵ ئەمریكا دەكات

ئاڤا نیوز 

وەزارەتی دەرەوەی ڕووسیا، سەبارەت بە سڕ کردنی پارەکانی ڕووسیا هۆشداداری دەداتە ئەمریکا و هەڕەشەی پچڕاندنی پەیوەندییە دپلۆماسییەکان لەگەڵ ئەو وڵاتە دەكات. 

چیرۆکی سەرەکی: دوای هەڵگیرساندنی جەنگی نێوان ڕووسیا و ئۆکراینا، ئەمریکا بڕیاریدا پارەکانی ڕووسیا لە بانکە نێودەوڵەتییەکاندا سڕ بکات، لەو کاتەوەشەوە ڕووسیا داوا دەکات ئەو پارانە بۆ مۆسکۆ بگەڕێنرێتەوە. 

وێنە گەورەكە: تاوەکو ئێستا ئەمریکا بڕی 300 ملیار دۆلاری ڕووسیای لە بانکەکاندا سڕ کردووە، کە زۆرینەیان لە بانکەکانی وڵاتانی یەکێتی ئەوروپان ئەوەش بەهۆی هێرشی ڕووسیا بۆسەر ئۆكراینا.

لێدوانە فەرمییەکان: سێرجی ریابکۆڤ، جێگری وەزیری دەرەوەی ڕووسیا ڕایگەیاند: خوێندنەوەمان بۆ وەڵامدانەوەی واشنتن کردووە، داوایان لێدەکەین پارە سڕ کراوەکانمان بۆ بگەڕێننەوە، ئەگینا سەرجەم پەیوەندییە دپلۆماسییەکانمان لەگەڵیاندا دەپچڕێنین''. 

لە لایەکی دیکەوە: وەزارەتی دەرەوەی ڕووسیا نیگەرانی لەبارەی ناردنی 61 ملیار دۆلار بۆ ئۆکراینا لەلایەن ئەمریکاوە دەربڕی و ڕایگەیاند وەڵامی تووندیان لەو بارەیەوە دەبێت.