حووسییەکان كەشتییەكی دیكە دەكەنە ئامانج

ئاڤا نیوز

حووسییەکان، لە بەندەری مۆخا لە کەناراوەکانی باشووری ڕۆژئاوای یەمەن، دووجار هێرش دەکەنە سەر کەشتییەک.

لێدوانی فەرمی: ئاژانسی ئاسایشی ئۆپەراسیۆنە بازرگانییە دەریاییەکانی بەریتانیا ڕایگەیاند: سەرەتا تەقینەوەیەک لە نزیک کەشتییەکە ڕوویداوە و دواتریش دوو مووشەک بەر کەشتییەکە کەوتوون و زیانیان بە کەشتییەکە گەیاندووە. 

زانیاریی زیاتر: فەرماندەیی ناوەندیی هێزەکانی ئەمریکا ڕایگەیاندووە حوسییەکان بە سێ مووشەکی دژە کەشتیی بالیستی هێرشەکەیان کردووە.

ئەوەی پێویستە بیزانیت: حوسییەکان هێرشەکەیان پشتڕاست کردووەتەوە و بەرپرسیارێتییەکەیان لە ئەستۆ گرتووە.

وێنە گەورەکە: هێرشی حووسییەکان بۆ سەر کەشتییە بازرگانییەکان کاری کردووەتە سەر ڕێرەوی بازرگانی لە دەریای سوور، کۆمپانیاکان بەشێکیان ناچار بوون ڕێگەی دیکە بەکار بهێنن.

باکگراوند: لە حەوتی ئۆکتۆبەری ساڵی ڕابردووەوە کە شەڕی حەماس و ئیسرائیل دەستی پێ کردووە، حووسییەکان دەستیان بە هێرشکردنە سەر کەشتییەکان لە دەریای سوور و کەنداوی عەرەب و عەدەن کردووە.