حەوت کورد لە فەرەنسا بەتۆمەتی ناردنی پارە بۆ پەکەکە تۆمەتبار دەکرێن

ئاڤا نیوز

 

حەوت کورد لە فەرەنسا لەلایەن دادوەری تایبەتمەند بە دۆسیەی ڕووبەڕووبوونەوەی تیرۆر تۆمەتبارکراون بە پاساوی ئەوەی لە پاریسەوە پارەیان بۆ ئەندامانی پارتی کرێکارانی کوردستان (پەکەکە) ناردووە.

 

لێدوانی فەرمی: "ئەو تۆمەتبارانەی دەستگیرکراون، تەمەنیان لەنێوان 30 بۆ 60 ساڵیدایە، تۆمەتبارن بە پێکهێنانی باندێکی تیرۆریستی و زەوتکردنی پارە لە خەڵک و ناردنی بۆ ئەندامانی پەکەکە"، نووسینگەی داواکاری گشتیی دژە تیرۆری فەرەنسا ئەوەی ڕاگەیاندووە.

 

ئەوەی پێویستە بیزانیت: لە ماوەی ڕابردوو ژمارەیەک دۆسیەی هاوشێوە تۆمارکراون، کە بەشێکیان بە کۆکردنەوەی هاوکاری و پێشکەشکردنی پاڵپشتی دارایی و لۆجستی بۆ پەکەکە تۆمەتبارکراون.