سعودیە: هێرشی حووسییەکان مەترسیدار نین

ئاڤا نیوز

 

سعودیە هێرشی حووسییەکان بۆ سەر کەشتییەکانی دەریای سوور بە مەترسی بۆ سەر کەنارە ئاوییەکانی وڵاتەکەی نازانێت.

 

کاریگەری و لێککەوتەکان: لە ماوەی چەند مانگی ڕابردوودا، حووسییەکان هێرشەکانیان بۆ سەر کەشتییەکانی دەریای سوور و کەنداوی عەدەن زیاتر کردووە، ئەوەش کاریگەری لەسەر بازرگانیی ناوچەکە دروست کردووە.

 

لێدوانی فەرمی: ئەحمەد خەتیب، وەزیری گەشتوگوزاری سعودیە ڕایگەیاند: "هێرشە بەردەوامەکانی حووسییەکان تاوەکو ئێستا هیچ کاریگەرییەکی لەسەر کەنارە ئاوییەکان و کەرتی گەشتیاری سعودیە نەبووە".

 

زانیاریی زیاتر: سعودیە چەندین پرۆژەی گەشتیاری لەسەر دەریای سوور دروست دەکات، بەڵام تاوەکو ئێستا ئەو ناوچەیە نەکەوتووەتە بەر هیچ جۆرە مەترسی و هێرشێک لەلایەن حووسییەکانەوە. 

 

باکگراوند: لە ساڵی 2014 سعودیە ڕۆڵێکی گەورەی بینی لە ڕووبەڕووبوونەوەی حووسییەکانی یەمەن، بەڵام ماوەی دوو ساڵە ئاگربەست لە نێوانیاندا ڕاگەیێنراوە.