لە کەرکووک بۆڕییەکی گواستنەوەی گازی شل شکا

ئاڤا نیوز

 

بۆڕییەکی گازی شل لە کەرکووک، لە پێنج مانگدا دووجار دەشکێت و دانیشتووانی گوندەکانی دەوروبەریشی ماڵەکانیان چۆڵ دەکەن.
 

وێنە گەورەکە: خەڵکی  گوندی قزلیار، ئەمە دووەمجارە بەهۆی شکانی بۆڕییەکی گازی کۆمپانیای نەوتی باکوور، گوندەکەیان چۆڵ کرد.

 

زانیاریی بەدەستهاتوو: سەرچاوەیەک لە کۆمپانیانی نەوتی باکوور بە ئاڤا نیوزی ڕاگەیاند: بەرەبەیانی ئەمڕۆ بۆڕییەکی گواستنەوەی گازی کۆمپانیای نەوتی باکوور، لە نزیک گوندی  قزلیار شکاوە و تیمەکان خەریکی لێکۆڵینەوە و چارەکردنین.

 

هۆکارە زانراوەکان:  بۆڕییەکە، گاز لە کۆمپانیای نەوتی باکوورەوە بۆ کۆمپانیای گازی باکوور دەگوازێتەوە، بەڵام بەهۆی کۆنی بۆڕییە، لە ماوەی پێنج مانگدا دووجار شکاوە.