وەزیری دەرەوەی ئیسرائیل: باشووری لوبنان داگیر دەكەین

ئاڤا نیوز

 

وەزیری دەرەوەی ئیسرائیل ڕایدەگەیێنێت، ئەگەر حیزبوڵا لە باشووری لوبنان نەكشێتەوە، ناوچەیەكی بەرفراوان داگیر دەكەین.

 

ئەوەی پێویستە بیزانیت: دوو هەفتەیە ئیسرائیل و حیزبوڵای لوبنان بەچڕی یەكتر بۆردوومان دەكەن؛ ئیسرائیل هەڕەشەی داگیركردنی باشووری لوبنان دەكات ئەگەر حیزبوڵا نەكشێتەوە و هێرشەكانی ڕانەگرێت.

 

لێدوانی فەرمی: ئیلی كۆهین، وەزیری دەرەوەی ئیسرائیل گوتی: "ئەگەر حیزبوڵای لوبنان نەكشێتەوە، باشووری لوبنان داگیر دەكەین و لە شەڕێكی سەرتاسەری نزیك دەبنەوە".

 

بۆچی گرنگە؟ چاوەكان لەسەر ئەوەن ئیسرائیل و حەماس ڕێك بكەون و ئیسرائیل لە كەرتی غەززە بكشێتەوە، فەرەنساش كار لەسەر ئەوە دەكات ئاڵۆزییەكان نەگەنە ئاستێكی بەرز، ئیسرائیل و حیزبوڵا نەكەونە شەڕەوە.