عێراق 700 هاووڵاتی لە كەمپی هۆلەوە گەڕاندەوە

ئاڤا نیوز

 

حكومەتی عێراق 700 هاووڵاتی خۆی لە كەمپی هۆل لە سووریا گەڕاندەوە، زۆربەیان خێزانی چەكدارانی داعشن.

 

وێنە گەورەكە: بەهەزاران هاووڵاتی عێراقی لە كەمپی هۆلن، حكومەتی عێراق كار لەسەر گەڕانەوەیان دەكات، تاوەکو ئێستا زیاتر لە دوو هەزار هاووڵاتی عێراقی لەو كەمپە گەڕێنراونەتەوە.

 

ڕاگەیەنراوی فەرمی: ڕوانگەی سووری بۆ مافەكانی مرۆڤ ڕایگەیاند: حكومەتی عێراق بە هەماهەنگی لەگەڵ دەستەی بەڕێوەبەری كەمپەكە ئەو هاووڵاتیانەی گەڕاندووەتەوە.

 

ئەوەی پێویستە بیزانیت: لە كەمپی هۆل زیاتر لە 43 هەزار هاووڵاتی سووری و عێراقی و زیاتر لە 45 وڵاتی دیكەی جیهان نیشتەجێن و لەلایەن هەسەدە و هێزەكانی هاوپەیمانانەوە چاودێری دەكرێن.