لە هەرێمی کوردستان نزیکەی 290 هەزار کەس بیمە کراون

ئاڤا نیوز

لە هەرێمی کوردستان چەندین کۆمپانیای مۆڵەتپێدراو هەن کە بە سەرمایەکی زۆرەوە لە بواری دڵنیاییدا کاردەکەن و تاوەکو ئێستاش نزیکەی 290 هەزار کەس لەلایەن ئەو کۆمپانیایانەوە بیمە کراون.

 

بۆچی گرنگە: سێکتەری دڵنیای لە هەرێمی کوردستان گەشەی کردووە، بە جۆرێک ئێستا هەشت کۆمپانیای ناوخۆی کوردستان و لقی دوو کۆمپانیای سەر بە وەزارەتی دارایی حکومەتی عێراق و شەش کۆمپانیای کەرتی تایبەتی عێراق لە هەرێمی کوردستان لە بواری دڵنیاییدا کار دەکەن.

 

هۆکارە زانراوەکان: 17 کۆمپانیا بە سەرمایەی 136 ملیار دینار مۆڵەتی کارکردنیان لە بەڕێوەبەرایەتی گشتیی کاروباری دڵنیایی لە هەرێمی کوردستان هەیە.

 

ژمارەکان وادەڵێن: ژمارەی بەشداربووانی دڵنیایی کردن لە هەرێمی کوردستان لە ڕێکەوتی دامەزراندنی کۆمپانیاکان تاوەکو 31-12-2023 بە گشتی بریتییە لە 289 هەزار و 483 کەس. بە جۆرێک لە کەرتی تەندروستی 67 هەزار و 707 کەس بیمەی بۆ کراوە، 1221 کەس بیمەی سووتان و دزرانی بۆ کراوە، 195 هەزار و 898 کەس بیمەی گەشتیان بۆ کراوە، 217 کەس بیمەی گواستنەوەی پارە، 5191 بیمەی ڕوودای کەسی و 11 هەزار 297 کەس بیمەی ئۆتۆمبێلیان بۆ کراوە. ئەمە جگە لە چەندین بیمەی دیکە لە سێکتەرە جیاوازەکاندا.