چوار بەنداو لە هەرێمی کوردستان دروست دەکرێن

 

سبەی نووسراوی فەرمی دەخرێتە بەردەم سەرۆککۆماری عێراق و بڕیارە چوار بەنداو لە هەرێمی کوردستان دروست دەکرێن.

 

وێنە گەورەکە: چوار بەنداو لە پارێزگاكانی هەولێر، سلێمانی و دهۆك لە قۆناغی دیزاینکردندان، پێکهاتوون لە بەنداوەکانی خێوەتە و دەڵگە لە سنووری پارێزگای سلێمانی، مەنداوە لە هەولێر و باکرمان لە دهۆک.

 

بۆچی گرنگە: بە دروستکردنیان زیاتر لە چوار ملیار مەتر سێجا ئاو گل دەدرێتەوە، ڕۆڵێکی گرنگیی لە بووژانەوەی ئاوی ژێرزەوی، بەرهەمهێنانی کارەبا، ئاودێری و پڕۆژەی گەشتیاریی دەبێت.

 

لێدوانی فەرمی: بێگەرد تاڵەبانی، وەزیری کشتوکاڵ و سەرچاوەکانی ئاو بە ئاڤا نیوزی ڕاگەیاند، "شوێن بۆ ئەو چوار بەنداوە دابین کراوە، بۆ خێراکردنی هەنگاوە کردەییەکان بۆ جێبەجێکردنی، سبەی دەرخستەکەی پێشکەشی سەرۆککۆماری عێراق دەکرێت".

 

ئەوەی پێویستە بیزانیت: لە هەرێمی کوردستان 21 بەنداو و 118 پۆند بۆ گل دانەوەی ئاو هەن، بەمەبەستی بەرهەمهێنانی کارەبا، ئاودێری، گەشتیاری و چەندین بواری دیکە بەکاردەهێنرێن.