ئەمریکا: لە سووریا لە بری سەرکردەیەکی قاعیدە کەسێکی سڤیلمان کوشتووە

ئاڤا نیوز

 

ئەمریکا دان بەوەدا دەنێت، ساڵی ڕابردوو لە سووریا بە هەڵە کەسێکی سڤیلی کوشتووە و وایان زانیوە سەرکردەیەکی ڕێکخراوی قاعیدەیە.

 

ڕاگەیێنراوی فەرمی: فەرماندەیی ناوەندیی هێزەکانی ئەمریکا (سێنتکۆم) ڕایگەیاند، "لێکۆڵینەوەکان ئەوە دەردەخەن کە هێزەکانی ئەمریکا هەڵەیان کردووە و ویستوویانە قاعیدە بکەنە ئامانج، بەڵام کەسێکی سڤیل کراوەتە ئامانج و کوژراوە، ئەمریکا لە ئەنجامی هێرشەکە پەشیمانە".

 

زانیاریی زیاتر: ئەو کەسەی کوژراوە ناوی لوتفی حەسەن مەستۆ بووە، کەسێکی جووتیار بووە و هیچ پەیوەندییەکی بە قاعیدەوە نەبووە. 

 

باکگراوەند: هێرشەکە ڕۆژی 3-5-2023، لە ڕێگەی فڕۆکەوە لە گوندی قۆرقینە لە پارێزگای ئیدلیب، ئەنجام دراوە.