لایەنە عێراقییەکان لەسەر دواخستنی هەڵبژاردنی کوردستان ڕێککەوتوون

ئاڤا نیوز

 

لایەنە عێراقییەکان ڕێککەوتوون لەسەر دواخستنی هەڵبژاردنی پەرلەمانی کوردستان کە بڕیاربوو لە مانگی شەشی ئەمساڵ بکرێت، پێشبینی دەکرێت بەم نزیکانە وادەیەکی نوێ بۆ هەڵبژاردن دیاری بکرێت.

 

لێدوانی فەرمی: "نێچیرڤان بارزانی، سەرۆکی هەرێمی کوردستان لەگەڵ لایەنە عێراقییەکان گەیشتووەتە ڕێککەوتنێک بۆ دواخستنی هەڵبژاردنەکان، بەڵام دیار نییە چ گەرەنتییەکی بەدەستهێناوە". سەرچاوەیەکی کوردی ئەمەی بە ڕۆژنامەی (شەرقولئەوسەت) ڕاگەیاند.

 

لەلایەکی دیکەوە: سەرچاوەیەکی نزیک لە سەرکردەکانی 'چوارچێوەی هەماهەنگی' بۆ ڕۆژنامەکە پشتڕاستی دەکاتەوە "هەڵوێستی زۆربەی هێزە چالاکەکان لەگەڵ پێویستی بەشداریی پارتی دیموکراتی کوردستانە، چونکە هاوپەیمانێکی ستراتیژییە".

 

زانیاریی زیاتر: ئەو سەرچاوەیە ئاشکرای کردووە، "هەفتەی داهاتوو بڕیارێکی یەکلاکەرەوە لەلایەن سەرۆکی هەرێمی کوردستانەوە دەدرێت بۆ دواخستنی هەڵبژاردن بۆ وادەیەکی دیکە بۆ ئەوەی حزبەکە بتوانێت بەربژێرەکانی خۆی پێشکەش بە کۆمیسیۆنی هەڵبژاردنەکان بکات".

 

ئەمەش بزانە: بەپێی زانیارییەکانی ئاڤا نیوز، هەڵبژاردن بۆ نیوەی دووەمی مانگی 10ـی ئەمساڵ دوادەخرێت، هاوکارییە داراییەکانیش بۆ کۆمیسیۆن بۆ ئامادەکاریی هەڵبژاردن ڕاگیراوە.