تورکیا: بەهۆی پەکەکەوە لە ڕەفتارەکانی ئێران بێزارین

ئاڤا نیوز

 

تورکیا بێزاری خۆی بەرامبەر بە ئێران بەهۆی پەکەکەوە دەردەبڕێت و دەڵێت، چەندین جار هەموو شتێکیان سەبارەت بە چالاکییەکانی پەکەکە بە ئێران داوە، بەڵام تاران ڕەتی دەکاتەوە. 

 

لێدوانی فەرمی: یەشار گولەر، وەزیری بەرگریی تورکیا ڕایگەیاند، عێراق هاوکاریی تورکیایە لەو ئۆپەراسیۆنەی بڕیارە دژی پەکەکە ئەنجامی بدات، بەڵام ئێران چاوپۆشی لە مەترسییەکانی پەکەکە دەکات سەرەڕای ئەو بەڵگە و زانیاریانەی کە دەیاندەن بە تاران سەبارەت بە چالاکییەکانی پەکەکە لە عێراق.

 

زانیاریی زیاتر: ئەو ڕەفتارانەی ئێران دەیانکات "تورکیایان بێزار کردووە"، چەندین جار هەموو شتێکیان سەبارەت بە چالاکییەکانی پەکەکە بە ئێران داوە بە فڕۆکەی بێ فڕۆکەوان وێنەیان گرتووە و پێیان داون، بەڵام تاران دەڵێت، ئەوەی کە تورکیا دەیڵێت لێکۆڵینەوەمان کردووە وانییە.

 
ئەوەی پێویستە بیزانیت: بەهۆی پەکەکەوە 800 گوند لە عێراق چۆڵکراون، خەڵکە سڤیلەکە گوزەرانیان خراپەو پێویستیان بەوە ئەو قەیرانە کۆتایی پێ بهێنرێت، عێراق پێشتر پەکەکەی وەکو ڕێکخراوێکی تیرۆرستی نەناساندووە، بەڵام دوای چەندین کۆبوونەوە خستیە لیستی گرووپە قەدەغەکراوەکانەوە.
یەشار گولەر، وەزیری بەرگریی تورکیا