واشنتن بەدواداچوون بۆ وەڵامەکەی حەماس دەکات

ئاڤا نیوز

 

وەزارەتی دەرەوەی ئەمریکا بەداوداچوون لە "ڕازیبوونی حەماس بۆ ئاگربەست" دەکات و پشتڕاستی دەکاتەوە کە دەتوانرێت ئاگربەست بکرێت.

 

وێنە گەورەکە: دوای تورکیا، ئەمریکاش هاتە سەر خەت و گومان لە وەڵامەکەی حەماس دەکەن و دەیانەوێت بەدواداچوونی بۆ بکەن.

 

ڕاگەیێنراوی فەرمی: ماتیۆ میلەر، گوتەبێژی وەزارەتی دەرەوەی ئەمریکا بە ڕۆژنامەنووسانی ڕاگەیاند، "دەتوانم پشتڕاستی بکەمەوە کە وەڵامێک لەلایەن حەماسەوە دەرچووە، ئێستا سەرقاڵی لێکۆڵینەوەین لەسەر ئەم وەڵامە و لەگەڵ هاوبەشەکانمان لە ناوچەکە تاوتوێی دەکەین".

 

لە لایەکی دیکەوە: دانیال هاگاری، گوتەبێژی سوپای ئیسرائیل ڕایگەیاند، وەڵامی حەماس بۆ پێشنیازی ئاگربەست "بە جددی" بەدوداچوونی بۆ دەکرێت.

 

گۆشەیەکی دیکەی دیمەنەکە: وەڵامەکەی حەماس شۆکێکی گەورەی بۆ بەرپرسانی رۆژئاوا دروستکردووە، زریانێکی گومان لە لایەن بەرپرسانی سیاسییەوە دەستی پێ کردووە.