حەماس بە چ پێشنیازێک ڕازی بوو؟

ئاڤا نیوز

تاهیر نونو، سەرۆکی بزووتنەوەی حەماس ڕایگەیاند، ئەو پێشنیازەی حەماس پەسەندی کرد، ئاگربەست،  ئاوەدانکردنەوە و گەڕانەوەی ئاوارەکان لەخۆدەگرێت.

 

وردەکاریی پێشنیازەکان تا ئێستا بەردەستن:

•    سەرچاوەکانی ناو بزووتنەوەکە ڕایانگەیاندووە کە ئەو پێشنیازە سێ قۆناغ لەخۆدەگرێت کە هەر قۆناغێک 42 ڕۆژ دەخایەنێت.

•    ئەو پێشنیازە بریتییە لە کشانەوەی تەواوەتی لە غەززە و گەڕانەوەی ئاوارەکان و ئاڵوگۆڕی بارمتەکان.

•    ئەو بەشەی گەڕانەوەی ئاوارەکان هیچ مەرجێکی تێدا نییە.

•    ئاوەدانکردنەوەی غەززە لەلایەن قەتەر و میسر و ڕێکخراوە نێودەوڵەتییەکانی دیکەوە سەرپەرشتی دەکرێت.

•    ئاڵوگۆڕی دیلەکان بە سێ قۆناغ ئەنجام دەدرێت: قۆناغی یەکەم کەسانی مەدەنی وەک ژن و منداڵ و بەساڵاچووان و نەخۆشەکان دەگرێتەوە.

•    هەر بارمتەیەک لە کەرتی غەززە لە ژیاندا مابێت لەنێو ئەو 33 کەسەی ئیسرائیل داوای کردووە، ئازاد دەکرێت، بە پێچەوانەوە تەرمەکانیان ڕادەست دەکرێتەوە.

چی ڕوویدا: کەمێک لەمەوبەر، ئیسماعیل هانیە، سەرۆکی مەکتەب سیاسی حەماس، پەیوەندییەکی تەلەفۆنی لەگەڵ شێخ محەمەد بن عەبدولڕەحمان،سەرۆکوەزیرانی قەتەر و لەگەڵ عەباس کامل، وەزیری هەواڵگری میسری کردووە و ئاگاداری کردوونەتەوە حەماس بەپێشنیازەکانی ئاگربەست ڕازییە.