ئیسرائیلییەکان بۆ نەتانیاهۆ: بوێربە و بڕیار بدە

ئاڤا نیوز

دوای ڕاگەیاندنی وەڵامی بزووتنەوەی حەماس، زریانێک گوشاری ناوخۆیی بۆ قبوڵکردنی ئاگربەست ڕوو لە نەتانیاهۆ دەکات.

ئەوەی ئێستا ڕوودەدات: دوای ئەوەی حەماس ڕەزامەندی لەسەر ئاگربەست لە کەرتی غەززە دەربڕی، خۆپێشاندەرانی ئیسرائیل و ئەندامانی بنەماڵەی بارمتە ئیسرائیلییەکان ڕژاونەتە سەر شەقام و داوای ڕێککەوتنی دەستبەجێ دەکەن.

 

وێنە گەورەکە: دایکی یەکێک لە بارمتەکان لە کەناڵ 12 ئیسرائیل، بە بنیامین نەتانیاهۆ دەڵێت: "ئەمە کاتی تۆیە، ئازابە، سەرکردە بە، دەبێت حکومەت و کابینەی جەنگ ئەو ڕێککەوتنە قبوڵ بکەن، هەموو  بارمتەکانمان دەبێت بگەڕێتەوە ماڵەوە".

 

گۆشەیەکی دیکەی دیمەنەکە: خەڵکی ئیسرائیل و بنەماڵەی بارمتەکان هەڕەشەی سووتاندنی شەقام و باڵەخانەکانی حکومەت دەکەن و دەڵێن: ڕێگە نادەین لەوە زیاتر یاری بە ژیانی خەڵک بکەن. 

ئەوەی پێشبینی دەکرێت: ئێستا نەتانیاهۆ لە ژێر گووشاری تووندی ئەمریکا و خەڵکی ئیسرائیل دایە، بۆیە ئەمشەو نەتانیاهۆ وەڵامی پێشنیازەکانی ئاگربەست بداتەوە.