ڕووسیا مانۆڕی ئەتۆمی دەکات

ئاڤا نیوز

 

سەرۆكی ڕووسیا بۆ زیاتر نیشاندانی توانا سەربازییەكانی وڵاتەکەی و ناردنی پەیامێكی تووند بۆ ئەوروپا،  فەرمانی داوە بە مانۆڕێكی ئەتۆمی لەسەر سنوورەكانی وڵاتەكەی.

 

وێنە گەورەکە: ڤلادیمیر پووتین، سەرۆکی ڕووسیا، فەرمانی بۆ سوپای ئەو وڵاتە دەرکرد تاوەکو مانۆڕی نوێی چەکە ئەتۆمییەکان بکات، ئەمە بۆ ڕووبەڕووبوونەوەی هەڕەشەکانی وڵاتانی ڕۆژئاواییە، لەکاتێکدا کە ئۆکراینا هێرشە درۆنییەکانی زیاتر کردووە، لە نوێترینیاندا شەش کەسی لە ناوچەی بێلگۆرۆد کوشتووە و 30 کەسی دیکەشی بریندار کردووە.

 

زانیاریی زیاتر: وەزارەتی بەرگریی ڕووسیا ئەوەی ئاشکرا کردووە، مانۆڕەکە "لە داهاتوویەکی نزیکدا" دەکرێت و هێزە ئاسمانی، دەریایی و وشکانییەکانی ڕووسیا کە لە نزیک ئۆکراینا جێگیر کراون تیایدا بەشدار دەبن.

 

بۆچی گرنگە: ئەمە یەكەمین جارە ڕووسیا مانۆڕی سەربازی دەكات لەسەر سنورەكانی ئۆكراینا، ئەمەش مەترسی لەسەر ئەوروپا دروستكردووە.