بارهەڵگرێکی پڕ لە مووشەک لە عێراقەوە دەربازی سووریا دەکرێت بۆ ملیشیاکانی سەر بە ئێران

ئاڤا نیوز

 

گرووپە چەکدارەکانی نزیک لە ئێران لە عێراقەوە، بارهەڵگرێکی پڕ لە مووشەکیان گواستووەتەوە بۆ ئەلبووکەمال لە سووریا.

 

لێدوانی فەرمی: میدیای ئۆپۆزسیۆنی سووریا بڵاویکردووەتەوە، مووشەکەکان کورت مەودا بوون، براونەتەوە خانوویەک لە گەڕەکێکی شاری ئەلبووکەمالی هاوسنووری عێراق.

 

ئەمەش بزانە: لە کاتی داگرتنی مووشەکەکان، گرووپە چەکدارەکان ڕێوشوێنی ئەمنییان گرتووەتەوەبەر و چەکدارەکانیان لەو ناوچەیە بڵاوەپێکردووە.

 

لەلایەکی دیکەوە: فیراس عەلاوی، شرۆڤەکاری سیاسیی سووری ڕایگەیاندووە، هەفتانە بارهەڵگری پڕ لە چەک و تەقەمەنیی گرووپە چەکدارەکان لە عێراقەوە دەربازی سووریا بوون، بە دوور نازانرێت ئەو مووشەکانە ببرێن بۆ لوبنان یان ناوچەکانی نزیک جۆلان لە باشووری سووریا.