پێنتاگۆن: دروستکردنی بەندەری کاتیی غەززە تەواو بوو

ئاڤا نیوز

 

ئەمریکا بە ئامانجی گواستنەوەی هاوکارییەکان بۆ خەڵکی غەززە، بەندەرێکی کاتی لە کەرتی غەززە دروست دەکات کە ئێستا پڕۆسەی دروستکردنەکەی تەواو بووە.

 

لێدوانی فەرمی: سابرینا سینگ، جێگری گوتەبێژی وەزارەتی بەرگریی ئەمریکا گوتی: "دروستکردنی هەردوو بەشی بەندەری شلۆق تەواو بووە و تەنیا ئەوە ماوە بیگوازینەوە بۆ شوێنی دیاریکراوی کەناری غەززە".

 

بابەتە ستراتیژییەکە: بەندەری کاتی کە بڕیارە تاوەکو کۆتایی ئەم هەفتەیە بهێنرێتە کەناراوەکانی غەززە، لە قۆناغی یەکەمدا بە 8 بارهەڵگری هاوکاری، دەست پێ دەکات، کەگەیشتە قۆناغی کۆتاییش توانای هەڵگرتنی 150 بارهەڵگری فریاگوزاری دەبێت.

 

زانیاریی زیاتر: بەهۆی بای بەهێز و شەپۆلی بەرزی دەریاکان، پرڕۆسەی گواستنەوەی پێکهاتەکانی بەندەری شلۆق دواخراوە کە تێچووەکەی 320 ملیۆن دۆلارە.