حكومەتی هەرێمی كوردستان كار بۆ هەمیشەییكردنی فەرمانبەرانی گرێبەست دەكات

ئاڤا نیوز

 

سەرۆكوەزیران بارزانی تیمێكی بۆ پۆلێنكردنی فەرمانبەرانی گرێبەست ڕاسپاردووە و گوتەبێژی حكومەتیش دەڵێت "دەكرێنە هەمیشەیی".

لێدوانی فەرمی: پێشەوا هەورامانی، گوتەبێژی حکومەتی هەرێمی کوردستان لە کۆنگرەیەکی ڕۆژنامەوانیدا ڕایگەیاند: بەفەرمانی سەرۆکوەزیران بارزانی فەرمانبەرانی گرێبەست دوای پۆلێنكردنیان دەكرێنە هەمیشەیی.

ئەوەی پێویستە بیزانیت: سەرۆکوەزیران بارزانی، تیمێکی ئەنجوومەنی وەزیرانی ڕاسپارد بۆ ئەوەی لە ماوەی 15 ڕۆژدا وردەکاری و بەرچاوڕوونیی و پۆلێنی تەواوی فەرمانبەرانی گرێبەست زیاتر بکرێت، بۆ ئەوەی جارێکی دیکە قسە لەگەڵ حکومەتی عێراقی فیدراڵ بکرێت و بۆ ئەوەی وەکو ئەو فەرمانبەرانەی دیکەی لە عێراق دامەزراون بکرێنە هەمیشەیی.

بۆچی گرنگە: لە هەرێمی کوردستان، نزیکەی 30 هەزار مامۆستا و فەرمانبەر هەن کە حکومەتی هەرێمی کوردستان وەک گرێبەست لە قوتابخانە و فەرمانگەکان دایمەزراندوون، چاوەڕێی بە هەمەیشەییکردنیان دەکەن؛ ئێستا کەیسەکانیان لە ئەنجوومەنی وەزیرانە بە مەبەستی بڕیاردان لە بەهەمیشەییکردنیان.