ئەمریكا: هێشتا بڕیارمان نەداوە چەک بۆ ئیسرائیل بنێرینەوە

ئاڤا نیوز

 

ئەمریکا هەناردەی چەک و تەقەمەنی بۆ ئیسرائیل ڕاگرت، وەزیری بەرگریی ئەو وڵاتەش دەڵێت، هێشتا بڕیاریان نەداوە دەستبکەنەوە بە ناردنی چەک بۆ ئەو وڵاتە.

 

وێنە گەورەکە: حکومەتی ئەمریکا پاکێجێکی هاوکاری بە بەهای 60 ملیار دۆلار بۆ ئیسرائیل پەسەند کرد، دوو ڕۆژە گەیاندنی کاروانێکی هاوکاری بۆ ئیسرائیل ڕاگرتووە و دەڵێت، پێناچێت بەمزووانە دەستبکەنەوە بە هەناردەکردن.

 

لێدوانی فەرمی: لۆید ئۆستن، وەزیری بەرگری ئەمریکا ڕایگەیاند، بڕیاری کۆتایی سەبارەت بە دەستپێکردنەوەی ناردنی چەکی بۆ ئیسرائیل نەدراوە.

 

زانیاریی زیاتر: بارەکە لە سێ هەزار و 500 بۆمب پێک هاتبوو، هەزار و 800 بۆمبی 2000 پاوەندی (907 کیلۆگرام)  و هەزار و 700 بۆمبی 500 پاوندی (226 کیلۆگرام) بوون.