داوا لە عێراق دەكرێت هاوشێوەی كوردستان گرنگی بە سەوزایی بدات

ئاڤا نیوز

ڕێكخراوێكی ژینگەپارێزی هۆشداری لەبارەی كەمبوونەوەی سەوزایی لە عێراق دەدات، داوا دەكات سوود لە ئەزموونی هەرێمی كوردستان لە بواری سەوزایی وەربگیرێت.

ڕاگەیێنراوی فەرمی: ڕوانگەی سەوزی عێراقی ڕایگەیاندووە: "كەمتەرخەمیی حكومەتی عێراق و هاووڵاتییان و زۆربوونی شوێنی نیشتەجێبوون وای كردووە، ڕێژەی سەوزایی كەم ببێتەوە".

وێنە گەورەكە: ڕێژەی سەوزایی لە عێراق بەجۆرێك كەمبووەتەوە كە لە باخچەكانی ناو شارەكان تەنیا دەگاتە لە %38 و ئەو ڕێژەیەش كەمترە لە ستانداردی جیهانی.

ئەوەی پێویستە بیزانیت: لە كۆی 163 وڵاتی جیهان، عێراق لە ڕیزبەندی 61ـیەمینی ئەو وڵاتانەیە كە مەترسیی گۆڕانی كەشوهەوا و ژینگەیان لەسەرە.

زانیاریی زیاتر: له پێنج ساڵی ڕابردووی كاركردنی حكومەتی هەرێمی كوردستاندا، كار و چالاكیی زۆر لە بواری ژینگە كراون، ڕووبەری سەوزایی گەیشتووەتە 18%، لەكاتێكدا ستانداردی جیهانی بۆ ڕێژەی سەوزایی 15% یە.