بۆچی ئیسرائیل ئاگربەستی حەماس ڕەت دەکاتەوە؟

ئاڤا نیوز

 

دوای ئەوەی حەماس ڕێککەوتنی ئاگربەستی قبووڵ کرد، بەرپرسانی ئیسرائیل ڕایانگەیاندووە، ئەو مەرجانەی حەماس قبووڵی کردووە، هەمان ئەوە مەرجانە نین کە لە دانووستانەکان لەسەری ڕێک کەوتوون.

 

وێنە گەورەکە: بە گوێرەی هەواڵێکی نیویۆرک تایمز، ڕاگەیاندنی ڕۆژی دووشەممەی حەماس کە مەرجەکانی ئاگربەستی قبووڵ کردووە، ئەو دۆخە نادڵنیاییەی نیشان داوە کە لە چەند ڕۆژی ڕابردوودا دەستی پێ کردووە، کاتێک بەرپرسان ڕایانگەیاندووە حەماس و ئیسرائیل دوای چەند مانگێک لە گفتوگۆکردن گەیشتوونەتە بنبەست.

 

گۆشەیەکی دیکەی دیمەنەکە: لە کاتێکدا ئیسرائیل و هاوپەیمانەکەی ئەمریکا ڕایانگەیاندووە، پێداچوونەوە بەو پێشنیازەدا دەکەن کە حەماس پەسەندی کردووە، بەڵام لێدوانەکانی حەماس و ئیسرائیل ئاماژە بەوە دەکەن، هێشتا لەسەر پرسە سەرەکییەکان ناکۆکن کە پێویستن بۆ گەیشتن بە ئاگربەست.

 

 

خاڵە ناکۆکەکانی نێوان ئیسرائیل و حەماس

• 
  - ئیسرائیل خوازیاری ئاگربەستی کاتی و بەردەوامبوونە لە شەڕ دژ بە حەماس، حەماسیش ئاگربەستی کاتی و مانەوەی دەوێت.
• 
  - ئیسرائیل دەیەوێت ئاسایشی غەززە بخاتە ژێر دەسەڵاتی خۆی، حەماسیش داوای کشانەوەی هێزەکانی ئیسرائیل دەکات.
• 
  - ئیسرائیل داوای ئازادکردنی 33 بارمتەکەی (سێ رۆژ جارێک بارمتەیەک) دەکات، حەماسیش دەیەوێت لە سێیەم ڕۆژی ڕێککەوتنەکەوە هەر هەفتەیەک سێ بارمتە ئازاد بکرێن.
• 
  - ئەو خاڵەی ئیسرائیل قبووڵی ناکات: ئیسرائیل بەڵێن بدات، لە شانزەیەم ڕۆژی ئاگربەست گفتوگۆکان بۆ کۆتاییهێنانی یەکجارەکی شەڕ دەست پێ بکات.

 

ژمارەکان وادەڵێن:
بەگوێرەی ئامارەکانی ئیسرائیل، چەکدارانی بزووتنەوەی حەماس لە کاتی هێرشەکەی حەوتی ئۆکتۆبەر،  نزیکەی هەزار و 200 کەسیان کوشتووە، 253 کەسیشیان دەستبەسەر کردووە.

 

ئاگربەستەکە "سێ قۆناغ" دەبێت
دووشەممەی ڕابردوو حەماس ڕایگەیاند، بە پێشنیازی ئاگربەست ڕازی بووە کە بە سێ قۆناغ شەڕ ڕادەگیرێت و بارمتەکان ئازاد دەکرێن.

 

قۆناغی یەکەم:

• لە 40 ڕۆژدا شەڕ ڕادەگیرێت.
• 
  - حەماس 33 بارمتە ئیسرائیلییەکە بە زیندانییە فەلەستینییەکانی ئیسرائیل دەگۆڕێتەوە.
• 
  - ئیسرائیل بەشێکی هێزەکانی لە غەززە دەکشێنێتەوە و ڕێگە بە فەلەستینییەکان دەدات لە باشوور بۆ باکووری غەززە بە ئازادی هاتووچۆ بکەن.

 

قۆناغی دووەم:

- دوای ئاگربەستە 40 ڕۆژییەکە، ماوەکەی بۆ 42 ڕۆژی دیکە درێژ بکرێتەوە و ڕێککەوتنی گەڕاندنەوەی "ئارامیی بەردەوام" لە غەززە بکرێت. 

• 
  - کشانەوەی زۆرینەی هێزەکانی ئیسرائیل لە غەززە.
• 
  - حەماس بەرامبەر ئازادکردنی دیلە فەلەستینییەکان، ئەندامانی هێزی یەدەگی ئیسرائیل و بەشێک لە سەربازەکانی ئازاد بکات.

قۆناغی سێیەم:
- تەواوکردنی ئاڵوگۆڕی تەرمەکان، ئاوەدانکردنەوە و بووژانەوەی غەززە بەپێی پلانێک کە قەتەر، میسر و نەتەوە یەکگرتووەکان سەرپەرشتی دەکەن. 

- کۆتاییهێنان بە گەمارۆی تەواوەتی کەرتی غەززە.