تورکیا و ئەمریکا ڕێککەوتنێکی درێژخایەنی وزە واژۆ دەکەن

ئاڤا نیوز

 

وەزیری وزە و سامانە سروشتییەکان، ڕێککەوتنێکی نوێی درێژخایەن بۆ بەرهەمهێنانی غازی سرووشتی و وێستگەکانی بەرهەمهێنانی وزەی کارەبا لە نێوان کۆمپانیایەکی تورکی و ئەمریکی واژۆ کرا. 

 

بۆچی گرنگە؟ بە گوێرەی ئەم ڕێککەوتنە دەتوانرێت 8%ـی پێداویستییەکانی تورکیا دابین بکرێت.

 

لێدوانی فەرمی: ئاڵپئارسلان بایراکتار، وەزیری وزەی تورکیا ڕایگەیاند: "لەگەڵ ئەمریکا رێککەوتنێکی گرنگ و درێژخایەنمان بۆ بەرهەمهێنانی غازی سرووشتی و  وزەی کارەبا بە نرخێکی گونجاو واژۆ کرد".

 

ئەمەش بزانە: ڕێککەوتنەکە لە نێوان کۆمپانیاکانی بەرهەمهێنانی وزەی 'بۆتاش و ئێکسۆن مۆبیل' لە واشنتن واژۆ کراوە، بڕیارە کۆبوونەوەی داهاتوویان لە تورکیا بێت.

 

باکگڕواند: تورکیا لە ڕابردوودا، گرێبەستی درێژخایەنی غازی سرووشتی لەگەڵ نەیجیریا هەبووە، زیاتر لە 20 ساڵە لەگەڵ جەزائیر ڕێککەوتنی وزەی هەیە.