عێراق چاوی لە وەرگرتنەوەی پێشەنگییە لە بەرهەمهێنانی خورما

ئاڤا نیوز

پشتبەستن بە دارخورمای بەریتانی، عێراق هەوڵ دەدات پێشەنگی بەرهەمهێنانی خورما بەدەست بهێنێتەوە. 

وێنە گەورەکە: وەزارەتی کشتوکاڵ هەوڵەکانی بۆ گەڕاندنەوەی عێراق بۆ پلەی یەکەمی بەرهەمهێنانی خورما ئاشکرا کرد، ئەویش بە وەرگرتنی تەکنەلۆژیای بەخێوکردنی شانە لەڕێگەی هاوردەکردنی 100 هەزار شەتڵ لە بەریتانیاوە.

ژمارەکان وا دەڵێن: عێراق دوای میسر، سعوودیە، ئێران و جەزائیر، پێنجەم وڵاتی بەرهەمهێنانی خورمایە لە جیهاندا. ساڵانە 750 هەزار تۆن خورما لە عێراق بەرهەم دێت کە 60%ی بەرهەمەکەی هەناردە دەکات.

زانیاریی زیاتر: وەزارەتی کشتوکاڵی عێراق لەگەڵ کۆمپانیای گەشەپێدانی خورمای بەریتانی (DPD) لێکتێگەیشتنێکی واژۆ کردووە، 100 هەزار شەتڵی دارخورما لە بەریتانیاوە هاوردە دەكات.

پلانەکە بەم شێوەیەیە: پلانه‌كه‌ ئه‌مساڵ جێبه‌جێ ده‌كرێت و تاقیگه‌یه‌کیش بۆ وه‌زاره‌تی كشتوكاڵی عێراق له‌ به‌غدا دروست ده‌كرێت، به‌ مه‌به‌ستی دابینكردنی پێداویستیی جووتیاران.