حووسییەکان: هەر کەشتییەک کاڵا بۆ ئیسرائیل بگوازێتەوە هێرشی دەکەینە سەر

ئاڤا نیوز

حووسییەکان قۆناغی چوارەمی تۆڵەکردنەوەیان لە ئیسرائیل ڕادەگەیاندووە و هەڕەشەی ئامادەکاری بۆ قۆنا‌غی دیکەش دەکەن.

لێدوانی فەرمی: عەبدولمەلیک حووسی، ڕێبەری حوسییەکانی یەمەن ڕایگەیاند: هەر کەشتییەک خاوەنەکەی هەر کۆمپانیایەک بێت ئەگەر کاڵا بۆ ئیسرائیل بگوازێتەوە هێرشی دەکەینە سەر. 

زانیاریی زیاتر: "ئەمە قۆناغی چوارەمی هەڵکشانی گرژییەکانە بۆ تۆڵەسەندنەوە لە هێرشی ئیسرائیل بۆ سەر ڕەفەح. لە ئێستاشەوە بیر لە قۆناغی پێنجەم و شەشەم دەکەینەوە." عەبدولمەلیک حووسی وای گوت.

لە لایەکی دیکەوە: سەرەڕای هۆشدارییەکانی ئەمریکا و کۆمەڵگەی نێودەوڵەتی، ئیسرائیل خۆی بۆ هێرشکردنە سەر ڕەفەح ئامادە دەکات.  

وێنە گەورەکە: حووسییەکان بە پاساوی پشتیوانیکردن لە فەڵەستین لە بەرامبەر هێرشی ئیسرائیل بۆ سەر غەززە، هێرش دەکەنە سەر کەشتییە بازرگانییەکانی دەریای سوور و کەنداوی عەدەن.