ئاژانسی وزەی ئەتۆمی:لە دۆخی بەرنامە ئەتۆمییەکەی ئێران ڕازی نین

 ئاڤا نیوز

ئێران بەردەوام ئەوەی دوپات کردووەتەوە کە بە دوای بەرهەمهێنانی چەکی ئەتۆمییەوە نییە. بەڵام ڕاوێژکارێکی ڕێبەری باڵای ئەو وڵاتە دەڵێت "دەکرێت ئەم سیاسەتە گۆڕانکاریی بە سەردا بێت".

لێدوانی فەرمی: کەمال خەڕازی، ڕاوێژکاری ڕێبەری باڵا و ئەندامی ئەنجوومەنی دەستنیشانکردنی بەرژەوەندییەکانی ئێران، ڕایگەیاند: "ئێران توانای درووستکردنی چەکی ئەتۆمی هەیە، لە ئەگەری هەر جۆرە هێرش یان هەڕەشەیەک بۆ سەر بوونی، سیاسەتی ئەتۆمیی خۆی دەگۆڕێت."

لە لایەکی دیکەوە: ڕافائێل گروسی، بەڕێوەبەری گشتیی ئاژانسی نێودەوڵەتیی وزەی ئەتۆمی، ڕایگەیاند: ئاژانس لە دۆخی ئێستای  دۆسیەی بەرنامە ئەتۆمییەکەی ئێران ڕازی نییە و ئێران بە گوێرەی پێویست هاوکاریی ئاژانس ناکات. 

ئەوەی پێویستە بیزانیت: ساڵی 2019، خامنەیی لە فەتوایەکدا ڕایگەیاند: "هەم درووستکردنی بۆمبی ئەتۆمی و هەمیش هەڵگرتنی هەڵەیە، چونکە بەکارهێنانی حەرامە."

وێنە گەورەكە: ئەمریكا و ئیسرائیل و وڵاتانی ڕۆژئاوا، بەردەوام جەخت لەوە دەكەنەوە نابێت ئێران ببێتە خاوەنی چەكی ئەتۆمی، ئێرانیش ڕەتیدەكاتەوە نیازێكی وای هەبێت.