دوای پەلکانە عەرەبی هاوردە هێرش دەکەنە سەر شەناغە

ئاڤا نیوز

 

عەرەبە هاوردەکانی کەرکووک ویستیان هێرش بکەن سەر گوندی شەناغە، بەڵام جووتیارانی کورد بەرامبەریان وەستانەوە و ڕێگرییان لێکردن.

 

لێدوانی فەرمی: هەڵمەت جەوهەر، دانیشتووی گوندی پەڵکانە بە ئاڤا نیوزی ڕاگەیاند: "بەرەبەیانیی ئەمڕۆ هەینی، عەرەبە هاوردەکان ویستیان هاوشێوەی پەلکانە، بچنە گوندی شەناغە و لەوێش خێوەتی مانگرتن هەڵ بدەن، بەڵام ئێمە وەکوو جووتیارانی کوردی ناوچەکە دژیان وەستاینەوە".

 

زانیاریی زیاتر: ئەو جووتیارە کوردە ئاماژە بەوە دەکات، تاوەکو ئەوان لەو شوێنە مابن "هەرگیز ڕێگە نادەین عەرەبی هاوردە دەست بەسەر زەوییەکانماندا بگرن".

 

باکگراوند: زیاتر لە دە ڕۆژە سوپای عێراق کارکردنی لەسەر زەوییەکانی سنووری سەرگەڕان قەدەغە کردووە، بەجۆرێک جووتیاران ناتوانن دروێنەی بەرهەمەکانیان بکەن؛ ماوەی سێ ڕۆژیشە عەرەبی هاوردە بە پاڵپشتیی ئەو سوپایە خێوەتی مانگرتنیان هەڵداوە.