قۆناغی دووەمی هەڵبژاردنەکانی پەرلەمانی ئێران بەڕێوە دەچن

ئاڤا نیوز

 

قۆناغی دووەمی هەڵبژاردنەکانی خولی دوازدەیەمی ئەنجوومەنی شوورای ئێران (پەرلەمان) بەڕێوە دەچێت.

 

وێنە گەورەکە: پڕۆسەکە بۆ هەڵبژاردنی 45 نوێنەر لە 22 بازنەی هەڵبژاردنە. قۆناغی یەکەمی لە مانگی ئادار بەڕێوە چوو.

 

زانیاریی زیاتر: دەنگدانی هەشت بازنە کە زیاتر لە 60%ـی نوێنەرەکانی تێدا هەڵدەبژێردرێت، بە شێوەی ئەلکترۆنییە. 

 

ئەوەی پێویستە بیزانیت: بە گوێرەی ئامارە فەرمییەکان، بەشداریی خەڵک لە خولی یەکەمدا 40% بووە و ئەم ڕێژەیەش لە تارانی پایتەخت تەنیا 34% بووە، بە گوێرەی ڕاپۆرتەکان، بەشداریی خەڵک لە خولی دووەمیشدا کەمە.