ئیسرائیل چوار شاری لوبنانی بۆردوومان كرد

ئاڤا نیوز

تۆپخانەكانی سوپای ئیسرائیل چوار شاری باشووری لوبنان بۆردوومان دەكەن، تا ئێستا زیانە گیانی و ماددییەكان دیار نین.

ئەوەی پێویستە بیزانیت:  تۆپبارانی تۆپخانەکانی ئیسرائیل ناوجەرگەی شارۆچکەکانی تەیر حەرفە، جەبەین، ڕەشایە فەخار، و کفر حەمامی لە باشووری لوبنان كردە ئامانج و تا ئێستاش زیانە گیانی و ماددییەكان دیارنین.

ڕاگەیێنراوی فەرمی: میدیا ناوخۆییەكانی لوبنان باس لەوە دەكەن، دەنگی ئۆتۆمبێلی فریاگوزاری و ئۆتۆمبێلەكانی وەزارەتی تەندروستی بیستراوە كە بەرەو شوێنی بۆردوومانەكە ڕۆیشتوون.

وێنە گەورەكە: ئیسرائیل و حیزبوڵای لوبنان زیاتر لە مانگێكە بەچڕی یەكتر بۆردومان دەكەن و زیانی گیانی و ماددیی زۆریان بە یەكتری گەیاندووە.

ئەوەی پێویستە بیزانیت: فەڕەنسا و ئەمریكا بە وردی كار لەسەر ئەوە دەكەن شەڕی كەرتی غەززە بۆ باشوری لوبنان نەگوزارێتەوە.