عێراق 12 هەزار بیانی دیپۆرت دەكاتەوە

ئاڤا نیوز 

لە چوار مانگی ئەمساڵدا، عێراق  12هەزار 205 بیانی بۆ وڵاتەكانیان دیپۆرت کردووەتەوە.

ڕاگەیێنراوی فەرمی: وەزارەتی ناوخۆی عێراق بڵاوی کردەوە: "ئەو کرێکارە بیانییانە خەڵکی وڵاتانی عەرەبی، ئاسیایی و ئەفریقین و مەرجی نیشتەجێبوونیان تێدا نەبووە".

ئەوەی پێویستە بیزانیت: ژمارەی کرێکارانی بیانی لە عێراق یەک ملیۆنی تێپەڕاندووە، بەڵام تەنها 71هەزار و 146  کرێکار مۆڵەتی فەرمییان هەیە.

وێنە گەورەکە: لە سەرەتای ساڵی 2024 وەزارەتی کاری عێراق، ڕێکاری نوێی بۆ ڕێکخستنی کرێکارانی بیانی گرتەبەر، مەرجی نوێی بۆ پێدانی مۆڵەت دانا وەک؛ گرێبەستی کار، بڕوانامەی ئەزموون و پێویستییەکی ڕاستەقینە بۆ دامەزراندنی ئەو کرێکارە هەبێت.