ئاڵای فەڵەستین و یەكێتی ئەوروپا
ئاڤا نیوز
نەتەوە یەكگرتووەكان لەبارەی ئەندامیەتی هەمیشەیی فەڵەستیین كۆ دەبێتەوە، بەشێك لە وڵاتانی ئەوروپاش دەیانەوێت ددان بەدەوڵەتی فەڵەستیندا بنێن.
وێنە گەورەكە: فەڵەستین پێشنیازێكی پێشكەش بە نەتەوە یەكگرتووەكان كردووە كە ببێتە ئەندامی هەمیشەیی، ئیسرائیل نیگەرانە و تەواوی لۆبیی خۆی خستووەتەگەڕ بۆ ئەوەی نەكرێت، بەشێك لە وڵاتانی ئەوروپاش دەڵێن، "ددان بەدەوڵەتی سەربەخۆی فەڵەستیندا دەنێن" ئیسرائیلیش دەڵێت، ئەمە “خەڵاتە بۆ تیرۆریزم”.
لێدوانی فەرمی: جۆزێپ بۆرێل، بەرپرسی سیاسەتی دەرەوەی یەکێتیی ئەوروپا ڕایگەیاند: ژمارەیەك لە وڵاتانی ئەندامی یەكێتیی ئەوروپا ددان بەسەربەخۆی فەڵەستیندا دەنێن و دوو دەوڵەت بە چارەسەر دەزانین.
درێژەی ڕاپۆرتەكە….
بەرپرسی سیاسەتی دەرەوەی یەکێتیی ئەوروپا، نهێنییەكان سەبارەت بە هێرشی ئیسرائیل بۆ سەر كەرتی غەززە ئاشكرا دەكات و دەڵێت "ئەگەر ئیسرائیل هێندە هاووڵاتی نەكوشتایە، لەو باوەڕەدانەبووین ئەوروپا بیویستایە ددان بە دەوڵەتی سەربەخۆی فەڵەستیندا بنێت، هەروەها گوتی:” ئیسپانیا و ئێرلەندا و وڵاتانی دیکەی ئەندامی یەکێتیی ئەوروپا پلانیان هەیە لە 21ی ئەم مانگەدا ددان بە دەوڵەتی فەڵەستینیدا بنێن.
ئیسپانیا پێشەنگە
سەرۆکوەزیرانی ئیسپانیا دەڵێت، ئیسپانیا و ئێرلەندا لەگەڵ سلۆڤینیا و ماڵتا بەتەواوەتی ڕێككەوتوون وەك هەنگاوی یەكەم ددان دەنێن بە دەوڵەتی فەڵەستیندا.
بۆرێڵ نیگەرانە لە ئیسرائیل
جۆزێڤ بۆرێڵ، بەرپرسی سیاسەتی دەرەوەی یەكێتیی ئەوروپا دەڵێت "ئەمە كارێكی سروشتییە كە ئەوروپییەكان حەز دەكەن ددان بە سەربەخۆیی فەڵەستیندا بنێن و ئیسڕائیلیش زیانێكی گەورەی بە هاووڵاتییان گەیاندوە لە غەززە". ئێستا بەلجیكا و سلۆڤیانیا و چەندین وڵاتی دیكەش لەسەر ئەو باوەڕەن دەنگدان بە دەوڵەتی فەڵەستین گرنگە.
ئیسرائیل نیگەرانە
ئیسرائیل ڕایگەیاندووە "پلانی ددانپێدانانی فەڵەستین وەك ئەوە وایە كە خەڵات بۆ تیرۆریزم ئامادە بكرێت و لە ڕێوڕەسمێكدا ئەو خەڵاتە وەربگرن. ئەوەی ئەوروپا دەیكات ئەگەرەكانی چارەسەری كێشەی غەززە كەم دەكەنەوە".
نەتەوەیەكگرتووەكان پەرۆشە بۆ غەززە
لە نەتەوە یەكگرتووەكان پڕۆژەیەك هەیە بۆ ئەوەی فەڵەستین ببێتە ئەندامی هەمیشەیی نەتەوە یەكگرتوەكان، ئیسرائیل نیگەرانە و نیەتێكی جددیش هەیە بۆ ئەوەی داواكارییەكە جێبەجێ بكرێت.
ئێرلەندا پەیامی هەیە
ئێرلەندا ڕۆژی پێنجشەممە ڕایگەیاند لەگەڵ "ئیسپانیا، سلۆڤینیا و ماڵتا چاوەڕێی دەنگی نەتەوە یەکگرتووەکان بوون و كار لەسەر دانپێدانانی هاوبەش دەكەن".
سلۆڤینیا قسەی هەیە
سەرۆکوەزیرانی سلۆڤینیا سەرەتای ئەم هەفتەیە گوتی: "وڵاتەکەم تا ناوەڕاستی مانگی شەش ددان بە دەوڵەتبوونی فەڵەستیندا دەنێت".
پوختە
لە ساڵی 1988ەوە تا ئێستا لە کۆی 193 وڵاتی ئەندامی نەتەوە یەکگرتووەکان، 139 وڵات ددانیان بە دەوڵەتبوونی فەڵەستیندا ناوە، پێدەچێت 50 دەوڵەتی دیكەش ددان بەسەربەخۆیی فەڵەستیندا بنێن.
هەڵبژاردەکان بۆ تۆ
سەرۆكوەزیران بارزانی: ئەوەی پێویست بووە بۆ پاراستنی ژینگە كردوومانە
12 ئایار
بێچووە نەورەسەكانی دووكان بێ دایک ماونەتەوە
12 ئایار
زانكۆی سلێمانی لە هۆكاری مردنی نەورەسەكان دەكۆڵێتەوە
12 ئایار
لە دهۆک چەند کەسێک هەزاران داری تەڕ دەبڕنەوە
3 ئایار
ئەمریکا: لە سووریا لە بری سەرکردەیەکی قاعیدە کەسێکی سڤیلمان کوشتووە
2 ئایار
دوایین هەواڵەکان
- کوردستان
- 10 خولەک لەمەوپێش
لە دهۆک 17 شوێنی سەرپێچیکار سزادران
- کوردستان
- 34 خولەک لەمەوپێش
بەهۆی لێچوونی غازەوە كێشە بۆ ئاوی خواردنەوەی قەڵادزێ دروست دەبێت
- ڕاپۆرت
- 40 خولەک لەمەوپێش
ئەو سەرکردانەی بەهۆی کەوتنەخوارەوەی فڕۆکەوە گیانیان لەدەستداوە
- عێراق
- 1 کاتژمێر لەمەوپێش
ئەمریکا یاسای باری نائاسایی پەیوەست بە عێراق درێژدەکاتەوە
- ڕاپۆرت
- 40 خولەک لەمەوپێش
ئەو سەرکردانەی بەهۆی کەوتنەخوارەوەی فڕۆکەوە گیانیان لەدەستداوە