ئەگەر فەڵەستین ببێتە ئەندامی هەمیشەیی نەتەوە یەكگرتووەكان چی ڕوودەدات؟

ئاڤا نیوز

کۆمەڵەی گشتیی نەتەوە یەکگرتووەکان بڕیارنامەیەکی پەسەند کرد و تێیدا پێشنیازی کرد ئەنجوومەنی ئاسایش بە شێوەیەکی ئەرێنی بە ئەندامیەتیی فەڵەستیندا بچێتەوە بۆ ئەوەی ببێتە ئەندامی هەمیشەیی.

ئەوەی ئێستا ڕوودەدات: ئەنجوومەنی گشتی لە بڕیارنامەکەیدا ڕایگەیاندووە فەڵەستینییەکان مافی ئەندامیەتیی هەمیشەییان لەو ڕێکخراوەدا هەیە.

بۆچی گرنگە: ئەگەر فەڵەستین وەک ئەندامی هەمیشەیی نەتەوە یەکگرتوەکان قبوڵ بکرێت، ئەم مافانەی دەبێت:

• 
  -    مافی دەبێت لە کۆبوونەوە گشتییەکاندا بەشداری بکات.
  -    مافی دەبێت لە کۆبوونەوە گشتییەکاندا دەنگ بدات.
  -    دەستکەوتەکانی لە نەتەوە یەکگرتووەکان زیاتر دەبێت.
  -    مافی پێشنیازی هەموارکردنەوەی یاسا و بڕیاری دەبێت.
• 
  لێدوانی فەرمی: مەحمود عەباس، سەرۆکی دەسەڵاتی فەڵەستین گوتی: "فەڵەستین بەردەوام دەبێت لە هەوڵەکانی بۆ بەدەستهێنانی ئەندامیەتیی هەمیشەیی لە نەتەوە یەکگرتووەکان و کاری گرنگتر دەکات".
• 
  بۆچوونی لایەنی بەرامبەر: ییسرائیل کاتز، وەزیری دەرەوەی ئیسرائیل خێرا ڕەخنەی لە بڕیارەکە گرت و بە گاڵتەجاڕانە و خەڵاتێک بۆ بزووتنەوەی حەماسی وەسف کرد.
• 
  ئەوەی پێویستە بیزانیت: پێشتر وەزارەتی دەرەوەی ئەمریکا ڕایگەیاندبوو واشنتن پێی وایە دەوڵەتێکی فەڵەستینی دەبێت لە دانووستانێکی ڕاستەوخۆدا لەدایک بێت، لە ناوەڕاستی مانگی ڕابردووشدا دەسەڵاتی فەڵەستین ڤیتۆی ئەمریکای لە ئەنجومەنی ئاسایش لە دژی ئەندامیەتیی هەمیشەیی فەڵەستین سەرکۆنە کرد.