بودجەی ئەمساڵی عێراق 80 تریلیۆن دینار کورتهێنانی دەبێت

ئاڤا نیوز 

بودجەی ساڵی 2024 ی عێراق 80 تریلیۆن دینار کورتهێنانی دەبێت، لیژنەی دارایی پەرلەمان دەیگەڕێنێتەوە بۆ دواکەوتنی دەنگدان لەسەر یاسای بودجەی ئەمساڵ.

وێنە گەورەكە: پێنج مانگ لە ساڵی دارایی تێپەڕیوە و تائێستا حکومەت دەنگی لەسەر بودجەی 2024 نەداوە بۆ ڕەوانەکردنی بۆ پەرلەمان و پەسەندکردنی.

ڕاگەیێنراوی فەرمی: محەممەد نووری، پەرلەمانتاری عێراق ڕایگەیاند: "حکومەت ئێستا لە هەوڵی ئەوەدایە قەبارەی کورتهێنانی بودجە کە بڕی 80 تریلیۆنە کەم بکاتەوە لە ڕێگەی کەمکردنەوەی خەرجییەکانی لە بودجەدا".

زانیاریی زیاتر: بە گوتەی ئەو پەرلەمانتارە هۆکاری دەنگنەدانی حکومەت لەسەر بودجەی ئەمساڵ، بۆ زیادبوونی خەرجیی حکومەت و کورتهێنانی بودجەکە دەگەڕێتەوە.