بەرپرسێکی عێراق بەهۆی وەرگرتنی بەرتیل زیندانی دەکرێت

ئاڤا نیوز 

بەرپرسی پێشووی نووسینگەی پارێزگاری بەغدا تۆمەتبارە بە وەرگرتنی بەرتیل، دادگاش حوکمی سێ ساڵ زیندانی بەسەردا سەپاند.

ڕاگەیێنراوی فەرمی: نووسینگەی میدیا و پەیوەندیی حکومەتی عێراق ڕایگەیاند: "بە ئامادەبوونی تۆمەتبار دادگای ناوەندیی تایبەت بە تاوانی دژەگەندەڵی، بڕیاری لەسەر تۆمەتبارەکە دا بەهۆی وەرگرتنی بەرتیل لەبەرامبەر پێدانی پڕۆژەیەک بۆ دوو کۆمپانیای وەبەرهێنێک".

ئەوەی پێویستە بیزانیت: لە کۆتایی ساڵی ڕابردوو، دەستەی دەستپاکیی عێراق، گەڕاندنەوەی 775 ملیۆن دينارى ڕاگەیاند کە تۆمەتبار وەکو بەرتیل وەریگرتبوو.

وێنە گەورەكە: لە دوای ساڵی 2003 ەوە، گەندەڵی لە عێراق بووەتە دیاردە و سەرجەم دامەزراوەکانی دەوڵەتی گرتووەتەوە، ئێستاش گەیشتووەتە ئاستێكی مەترسیدار.