بۆ ڕێگری لە وشكەساڵی و كەمئاوی 20 پۆند دروست كراون

ئاڤا نیوز

بۆ ڕێگریکردن لە قەیرانی وشکەساڵی و کەمئاوی، لە ماوەی کابینەی نۆیەمدا بڕیاری دروستکردنی 41 پۆند دراوە و تا ئێستا نیوەی دروست کراون.

وێنە گەورەکە: لە هەرێمی کوردستان 21 بەنداو و زیاتر لە 120 پۆند بۆ گلدانەوەی ئاو هەن، حکومەتی هەرێمی کوردستان ستراتیژیەتی زیادکردنی ئەو ژمارەیەی بە مەبەستی ڕێگریکردن لە قەیرانی ئاو و ڕووبەڕووبوونەوەی وشکەساڵی داڕشتووە و لە جێبەجێکردندایە.

ژمارەکان وادەڵێن: لەم کابینەیەدا بڕیاری دروستکردنی 41 پۆند بە بەهای نزیکەی 27 ملیار دینار لە ناوچە جیاوازەکانی هەرێمی کوردستان دراوە و بە چەند قۆناغێک لە جێبەجێکردندان. 

قۆناغی یەکەم: 23 پۆند
قۆناغی دووەم: 14 پۆند 
قۆناغی سێیەم: چوار پۆند

بابەتی ستراتیژی: لە کۆی 41 پۆند 20 پۆند تەواو بوون، جگە لەوەی دەرخستەی 23 پۆندی دیکە ئامادە کراوە، دوای ڕەزامەندیش دەخرێنە بواری جێبەجێکردن.

بۆچی گرنگە: دروستکردنی پۆند و بەنداو، جگە لە پاراستنی سەرمایە، سێکتەرەکانی کشتوکاڵ، گەشتیاری، پاڵپشتیکردنی جووتیاران، ڕەخساندنی هەلی کار، زیادکردنی ئاوی ژێرزەوی و پاراستنی هاووڵاتییانە لە لافاو.

لە لایەکی دیکەوە: چوار بەنداو لە پارێزگاکانی هەولێر، سلێمانی و دهۆک لە قۆناغی دیزاینکردندان.