ڕێکخراوی داکۆکی لە مافی ئاژەڵان: کابینەی نۆیەم گرنگی زیاتری بە پاراستنی ئاژەڵان داوە

ئاڤا نیوز 

 

سەرۆکی ڕێکخراوی داکۆکی لە مافی ئاژەڵان ئاماژە بەوە دەدات، لە کابینەی نۆیەمدا باشتر کار لەسەر پاراستنی مافی ئاژەڵان کراوە.

وێنە گەورەکە: لە کابینەی نۆیەمی حکومەتی هەرێمی کوردستان دەست بە جێبەجێکردنی پڕۆژەیاسای ژمارە '14' کرا، کە تایبەتە بە مافی ئاژەڵان و سزادانی ئەو کەسانەی تووندوتیژی بەرامبەر ئاژەڵان دەکەن.

لێدوانی فەرمی: خەدیجە عومەر ئەندامی پێشووی پەرلەمانی کوردستان بە ئاڤا نیوزی ڕاگەیاند، "ئامانج لە دەرکردنی یاسای ژمارە 14ـی ساڵی 2022 بۆ پاراستنی ژیانی ئاژەڵە ماڵییەکان و ئاژەڵە بێلانەکانە، بۆ پاراستنی ژینگە و مرۆڤیش لەڕووی تەندروستییەوە، ئەو کەسانەی پابەند نابن، سزای تووندی ماددیی دەدرێن و بەند دەکرێن."

 

لەلایەکی دیکەوە: بەختیار خالید، سەرۆکی ڕێکخراوی داکۆکی لە مافەکانی ئاژەڵان بە ئاڤا نیوزی ڕاگەیاند: لە کابینەی نۆیەمدا گرنگی زیاتر بە پاراستنی مافی ئاژەڵان دراوە، بەشێوەیەک ڕاوی ئاژەڵانی کێوی و نایاسایی بەشێوەیەکی بەرچاو کەمبووەتەوە.