لە كوێت دوو ملیار دۆلار بۆ غەززە كۆكرایەوە

ئاڤا نیوز

 

رێكخراوی خێرخوازی ئیسلامی لە كوێت كۆنفڕانسێكی تایبەتی بە دۆخی غەززە ئەنجامدا، لە کۆنفڕانسەکە خێرخوازان دوو ملیار دۆلاریان بۆ پاڵپشتی غەززە كۆكردەوە.

 

وێنە گەورەكە: كۆنفڕانسەكە لەلایەن نەتەوەیەكگرتووەكانەوە پشتیوانی دەكرا، ئەنتۆنی گۆتێرێس، سكرتێری گشتی نەتەوەیەكگرتووەكان تێیدا بەشداری كرد، وڵاتان و ئەندامانی خۆبەخش ئەو بڕە پارەیان بۆ پاڵپشتی هاووڵاتیان لە غەززە كۆكردووەتەوە.

 

لێدوانی فەرمی: رێكخراوی خێرخوازی ئیسلامی نێودەوڵەتی گوتی:" ئەو بڕە پارەیە كە كۆكراوەتەوە بۆ پشتیوانی و هاوكاری خەڵكی لێقەوماوی غەززە بەكاریدەهێنن و بەشێوەیەكی دروست  خەرجدەكرێت".

 

بۆچی گرنگە: ئێستا دۆخی هاووڵاتیان لە غەززە زۆر خراپە و پێویستیان بە هاوكاری بەپەلە هەیە.