سوننە لەسەر بەربژێركردنی مەشهەدانی ڕێككەوتوون

ئاڤا نیوز 

پارتی تەقەدووم و هاوپەیمانیی سەدارەی سوننە، پشتگیریی خۆیان بۆ بەربژێری سەرۆکایەتیی پەرلەمانی عێراق ڕاگەیاند و تەڵال زەوبەعی لەو کێبڕکێیە کشایەوە.

وێنە گەورەكە: دوای چوارجار هەوڵدان بۆ هەڵبژاردنی سەرۆکی پەرلەمانی عێراق لە ماوەی شەش مانگی ڕابردوو، هێشتا جێگرەوەی حەلبووسی دیاری نەکراوە، بەڵام دوای درێژکرنەوەی ماوەی یاسادانان حەلبووسی و هەندێک لایەنی دیکەی سوننە دەنگ بە مەحموود مەشهەدانی دەدەن.

راگەیێنراوی فەرمی: پارتی تەقەدووم و هاوپەیمانیی سەدارە کە لە چەند کەسایەتییەکی سیاسیی سوننە پێک دێن، لەسەر پشتگیریکردنی مەحموود مەشهەدانی ڕێکكەوتوون.

ئەوەی پێویستە بیزانیت: پێنجشەممەی ڕابردوو پەرلەمانی عێراق خولی یاسادانانی بۆ ماوەی مانگێک  درێژ کردەوە، ئامانجیش لێی هەڵبژاردنی سەرۆکێکی نوێ بوو.